وزیراعلیٰ مریم نوازشریف کا پی پی 52 سمبڑیال میں ضمنی انتخاب میں کامیابی پر مسلم لیگ(ن) کی امیدوار حنا ارشد وڑائچ کو مبارکباد

سمبڑیال کے عوام کو دل کی اتھاہ گہرائیوں سے مبارکباد پیش کرتی ہوں اور شکریہ ادا کرتی ہوں، کامیابی عوام کی مسلسل بے لوث خدمت کا نتیجہ ہے: مریم نوازشریف
ضمنی انتخاب میں مسلم لیگ (ن) کی شاندار کامیابی پر عوام کا حکومت کی پالیسیوں پر بھرپور اعتماد کا اظہار ہے، قائدمحمد نوازشریف کی قیادت میں ترقی کا سفر تیزی سے جاری ہے
لاہور(یواین پی)وزیراعلیٰ پنجاب مریم نوازشریف نے حلقہ پی پی 52 سمبڑیال میں ضمنی انتخاب میں کامیابی پر مسلم لیگ (ن) کی امیدوار حنا ارشد وڑائچ کو مبارکباد دی ہے۔سمبڑیال کے عوام نے جس اعتماد کامظاہرہ کیاہے اس پر پورا اتریں گے۔ وزیراعلیٰ مریم نوازشریف نے کہا کہ سمبڑیال کے عوام کو دل کی اتھاہ گہرائیوں سے مبارکباد پیش کرتی ہوں اور شکریہ ادا کرتی ہوں۔ضمنی انتخاب میں مسلم لیگ (ن) کی شاندار کامیابی عوام کا حکومت کی پالیسیوں پربھرپور اعتماد کا اظہار ہے۔ وزیراعلیٰ مریم نواز شریف نے کہا کہ مسلم لیگ (ن) کی امیدوار کی کامیابی عوام کی مسلسل بے لوث خدمت کا نتیجہ ہے۔عوام خدمت کرنے والوں اور فتنہ فساد پھیلانے والوں کو پہچان چکے ہیں۔ وزیراعلیٰ مریم نوازشریف نے کہا کہ صدرپاکستان مسلم لیگ(ن) محمد نوازشریف کی قیادت میں ترقی کا سفر تیزی سے جاری ہے، ثمرات سب تک پہنچیں گے۔