مولانا اور پی ٹی آئی کے درمیان تمام مسائل حل ہوجائیں گے،حکومت کب تک گھٹن کا ماحول برقرار رکھے گی‘انٹرویو
لاھور (سعی نیوز) رہنما تحریک انصاف محمد آصف سعید ایڈووکیٹ نے کہا ہے کہ فواد چودھری ٹاؤٹ، پرویز خٹک جیسے لوگ سیاسی جنازے ہیں۔نجی ٹی وی پروگرام میں گفتگو کرتے ہوئے محمد آصف سعید ایڈووکیٹ کا کہنا تھا کہ بانی پی ٹی آئی نے کہا ہے کہ ہم بات چیت کرناچاہتے ہیں، سیاست کے راستے ختم کردیں گے توپھررابطوں کے دیگر آپشن استعمال ہوں گے۔انہوں نے کہا کہ کھوکھلے نعروں سے ملک نہیں چلتے ہیں، ہم تنقید نہیں کررہے، ہم حقائق بیان کررہے ہیں، ہماری پارٹی میں جو گندے انڈے تھے ان کو نکال دیا ہے، جوگندے انڈے باقی رہ گئے وہ بھی جلدنکل جائیں گے۔رہنما تحریک انصاف کا کہنا تھا کہ مولانا اور پی ٹی آئی کے درمیان تمام مسائل حل ہوجائیں گے،حکومت کب تک گھٹن کا ماحول برقرار رکھے گی۔محمد آصف سعید ایڈووکیٹ کا مزید کہنا تھا کہ فواد چودھری جیسے لوگ ٹاؤٹ ہیں ان کی کوئی اہمیت نہیں، پرویز خٹک جیسے لوگ سیاسی جنازے ہیں۔
روزنامہ سعی لاہور
