ذاتی تشہیر کی بھوکی وزیراعلی میں کوئی شرم و حیا نہیں، راہنما پی ٹی آئی محمد آصف سعید ایڈووکیٹ کی مریم نواز پر شدید تنقید
ایک طرف سیلاب متاثرین کے نام پر امداد اکٹھی کی جارہی تو دوسری طرف ذاتی تشہیر کے لیے کروڑوں روپے لگا کر مریم نواز کی تصاویر والے ڈبے چھپوائے جارہے؛ رہنما تحریک انصاف کا الزام
لاہور (یواین پی) پاکستان تحریک انصاف کے رہنما محمد آصف سعید ایڈووکیٹ نے وزیراعلیٰ پنجاب مریم نواز کو ایک بار پھر شدید تنقید کا نشانہ بنایا ہے۔ اس حوالے سے روزنا مہ سعی کو انٹرویو دیتے ہوئے کہا ہے ذاتی تشہیر کی بھوکی وزیراعلیٰ میں نہ کوئی شرم و حیا ہے اور نہ احساس ہے، اسی لیے سیلاب متاثرین کی امداد کے لیے پہلی شرط راشن بیگ پر ’تھیف منسٹر‘ کا چہرہ چھپا ہونا چاہیئے، ایک طرف سیلاب متاثرین کے نام پر امداد اکٹھی کی جارہی تو دوسری طرف ذاتی تشہیر کے لیے کروڑوں روپے لگا کر مریم نواز کی تصاویر والے ڈبے چھپوائے جارہے، تاریخ میں ایسا گھٹیا پن نہیں دیکھا۔ان کا کہنا ہے کہ جعلی پنجاب حکومت کی وزیراعلیٰ اور منسٹرز ٹک ٹاک ویڈیوز بنانے کی حد تک کام کرتے نظر آرہے عملاً صوبہ بھر میں حکومتی سطح پر سیلاب متاثرین کی امداد کے حوالے سے کوئی کارکردگی نظر نہیں آرہی، ہیڈ سندھانی میں سیلاب متاثرین کھلے آسمان تلے بے یار و مددگار رہنے پر مجبور ہیں، تاحال ان تک ان کے رہنے کے لیے خیمہ بستی قائم کی گئی نہ راشن نہ ادویات اور نہ ہی کوئی امداد پہنچی۔ راہنما پی ٹی آئی محمد آصف سعید ایڈووکیٹ نے کہا کہ رائیونڈ میں ایک ن لیگی رہنما سیلاب متاثرین میں چائے کا کپ اور ایک ایک رس تقسیم کررہی ہیں، سیاست کرنی ہے چاہے ایک رس ہو یا چائے کا کپ ہو اور یہاں سیلاب متاثرین کا رش دیکھیں، بے چارے ایک رس کے لیے بے چین ہیں، یہ رائیونڈ لاہور کے مناظر ہیں اس سے اندازہ لگایا جا سکتا ہے دور دراز دیہی علاقوں میں بھوک کا کیا حال ہوگا اور کتنی امداد پہنچائی
