اس بار احتجاج میں مزید شدت لائی جائے گی، رہنما پی ٹی آئی محمدآصف سعید ایڈووکیٹ کا بیان
لاہور(یواین پی)، رہنما پی ٹی آئی محمدآصف سعید ایڈووکیٹ کا کہناہےکہ محرم الحرام کے بعد احتجاجی تحریک کا آغاز کریں گےاور محرم الحرام کے بعد اس تحریک میں بھرپور شرکت کیلئے تیار ہیں، احتجاجی مظاہرے ہر حلقے میں منعقد ہوں گے اور اس تحریک میں وکلا برادری بھی مکمل طور پر شامل ہو گی۔اس بات کا اعلان رہنما پی ٹی آئی محمدآصف سعید ایڈووکیٹ نے اپنے ایک اہم پیغام میں کیا۔ان کا کہنا تھا کہ محرم الحرام کے احترام میں وقتی وقفے کے بعد اب ہم نے دوبارہ احتجاجی تحریک شروع کرنے کا فیصلہ کر لیا ہے۔ دس محرم کے بعد احتجاجی تحریک دوبارہ بھرپور انداز میں شروع کی جائے گی اور اس بار احتجاج میں مزید شدت لائی جائے گی۔خیال رہے کہ اس سے قبل بانی پی ٹی آئی عمران خان کی ہمشیرہ علیمہ خان کاکہنا تھا کہ بانی پی ٹی آئی کی ہدایات ہیں کہ 10 محرم کے بعد پارٹی تحریک کا آغاز کرے۔بانی پی ٹی آئی عمران خان نے تحریک کے آغاز کیلئے اہم ہدایات دی تھیں۔ پلان کے مطابق 10 محرم کے بعد تحریک کا آغاز کریں گے۔ تحریک سے پہلے پلان تیار کرچکے تھے۔انسداد دہشتگردی راولپنڈی کی عدالت کے باہر میڈیا سے گفتگو کرتے ہوئے بانی پی ٹی آئی کی ہمشیرہ کا کہنا تھا کہ عمران خان کی قید ایک عام قیدی سے بھی سخت تھی ان جیسی قید پاکستان کی تاریخ میں کسی نے نہیں کاٹی تھی۔بانی پی ٹی آئی نے کہا تھاکہ عوام اپنی آزادی کیلئے نکلیں۔ غلامی سے بہتر ہے میں جیل میں ہی رہوں۔ ہمیں موقع دیا ہے کہ ہم اس مشکل وقت میں اپنا اپنا حصہ ڈالیں۔ مجھے یقین ہے پاکستان کے اندر اچھی تبدیلی آئے گی۔عمران خان نے یہ بھی کہا تھا کہ پاکستان میں اس وقت جوظلم ہورہا تھا اس سے بہتر ہے قید میں ساری زندگی کاٹ لوں۔ اس ظلم کے نظام کے خلاف محرم کے بعد تحریک کا آغاز کریں۔جب بانی پی ٹی آئی تحریک کی بات کرتے ہیں تو حکومت مذاکرات کی بات شروع کردیتی تھی مگر ان سے کیا بات کی جائے۔انہوں نے کہا تھا کہ بانی پی ٹی آئی قید میں ہیں۔ 22 گھنٹے ایک ہی سیل میں رہتے ہیں ان کیلئے تمام قیدی والی سہولیات ختم کر دی گئی تھیں بانی پی ٹی آئی جو جیل کاٹ رہے تھے وہ ان کے مخالف سوچ بھی نہیں سکتے تھے۔
تمام کارکن محرم الحرام کے بعدحتجاجی تحریک میں بھرپور شرکت کیلئے تیار رہیں – محمدآصف سعید ایڈووکیٹ
